سؤال عن مرسيدس s350 2006

كان معاي 2006 s350 صدقني لو يرجع فيني الزمن لفضلت الاكسنت عليها ندم اشد الندم اني اشتريتها طبعا اشتريتها ب 98000 وبعتها ب 67000 وخسرت عليها اكثر من 30000 كل مره اسوي شي ويخرب شي مع ان السياره اللي يشوفها يقول جديده لكن استهلكت وغير كذا 2006 فيه مشاكل كثيره من ضمنها القير والمكينه اذا مصر على البانوراما خذ 2009 وفوق عالاقل صححو كل مشاكلها ولا تاخذ شي الا بعد ما تفحصه اقل شي بمركزين فاهمين مو اللي عند المعارض وقبل تفحصها سوقها انت واكرفها يعني شد عليها وشوف تغيرات القير والاصوات اللي فيها لان بعضهم قبل يبيعها يمسح الاخطاء اللي بالكمبيوتر وركز بالاشياء الصغيره قبل الكبيره مثلا البريك والهولد اللي هو اذا دعست فرامل بقوه تمسك السياره كانك ماسك بريك وتاكد من القزاز انه ينزل ويرتفع وجربها الخط والجلد 

بيض الله وجهك ماقصرت 

تشكر تاكسي ع النصيحه
اخوي مانزيد ع كلام تكسي شي
بختصار فلوسك وسط شوف لك موتر تويوتا بقيمتها مالك ومال العنا
انتبه  تورط

ابتعد عنها استهلكت خلاص اذا البانوراما ممشاها فوق ١٠٠ الف ماتصلح بريال لا يجيني واحد مطفي النور يقولي مايضره الممشى كلامي واضح واعني ما اقول منت اكثر حبا وعشقا فيني للمرسيدس !!

اساأل بس عن قيمت المساعد الواحد ان ماهونت هذا وجهي :)

قطعها يبليها واحد كااااش غالية و صيانها مكلفة مرة غير السباكين اللي يشلحوا من سيارتك لسياراتهم و سيارات اصحابهم 

اللي ياخذ مرسيدس لابد يكون فاهم فيها و يعرف وين يجيب قطعها بسعر طيب و يصينها بيده بقراجه او قدام بيته هنا يوفر و يطمئن السيارة بيد امينة

اللي اذكره 2006 و2007 فيها مشاكل بمخ القير متكرره وتم تدارك الخلل هذا ب2008 او 9 ماني متأكد والله 
شخصيا أشتري شبح نظيف مايقطعني ولا أشتريها 
ممكن أشتري موديل حديث مستعمل ونظيف زي ماقال أخونا من 2009 وفوق 

الكشخه والفشخره ماراح تفيدك اذا قطع فيك الموتر بالطريق وقعدت تدور سطحه
عاد لو يطفى بالدايري قل على الموتر السلام

يعني الحين ال اس كلاس ابو كلب الله يرحم والديكم بس كلن يفتي من راسه 
شوف البنوز 560 عايشه للحين مابالك 2006 والقطع والله برخص التراب ان لكزس اغلى منها 

يالمعلن اركب موتر مرتاحله ولو تخسر 10 الاف صيانه واكرفه 5 سنوات قدام 
ولا اركب لي موتر جديد يجيب الهم